خاص لـ "مصر الآن".. آخر تطورات الحالة الصحية لـ عبدالرحمن أبو زهرة

كشف أحمد أبو زهرة نجل الفنان القدير عبدالرحمن أبو زهرة، تفاصيل آخر تطورات الحالة الصحية لوالده بعد نقله لأحد المستشفيات خلال الأيام الماضية.
  
وقال نجل عبدالرحمن أبو زهرة في تصريحات خاصة لـ"مصر الآن": "الوضع يبقى كما هو عليه، ولا زال على جهاز التنفس الصناعي". 

وكانت مي أبو زهرة ابنة الفنان القدير عبدالرحمن أبو زهرة تحدثت عن والدها، قائلة: "بابا بيضحك ويهزر لكن كان عصبي جدا، بس أنا عرفت أحتويه من وأنا صغيرة وأهزر معاه، وكان دايما يقولي أنا بحبك اكتر من إخواتك، بابا حبيب قلبي بعرف أخرجه من المود بتاعه، وأبعد في وقت عصبيته وعندما يهدأ، ويشعر بخطأه يصالحنا ويطبطب علينا لدرجة أنه يعتذر".

وأوضحت: "بدعيله إن ربنا يكرمه ويخفف عنه، هو يوم يبقى كويس ويفوق ويكلمنا أقوله أيوة يا حبيبي، يقولي أيوة يا روحي، ويوم يغيب عن الوعي تماما ومش بيبقى معانا في الدنيا دي، بدعيله يا رب يختار له الخير ويهون عليه ويخفف عليه".

وأضافت: "أكتر حاجة بتسعدني لما بقول اسمه والناس تقولي بنحبه ده شبه عمي أو بابايا، حب الناس ليه بسبب أعماله وبيتقال عليه ده ممثل محترم ومحدش سمع عنه في حياته كلها قصص وروايات، وكان بيحب والدتي الله يرحمها، وفي آخر أيامها كان بيراعيها ويحميها ويخلي باله من أكلها ويعمل كل ده بصدر رحب، كان مخلص ليها طول عمره، وبيقولها إنه بيحبها لآخر وقت في حياتها"